Pris:
2.400* pr. semester + semesteravgift

Leiing er ei viktig oppgåve for alle førskulelærarar. Leiarar må ha kjennskap til både faktiske og teoretiske sider ved rammene for organisering og utvikling av barnehagen, og omstilling og utvikling stiller krav til leiarar på alle nivå.

Organisasjon og leiing i barnehagen kan inngå som fordjuping for studentar i tredje året i førskulelærarutdanninga. Studiet er også eigna som etterutdanning/vidareutdanning for andre førskulelærarar som ønskjer å bli betre kvalifiserte for leiaroppgåver.

Utgangspunkt er rammeplan godkjend av KUFD 03.03.97, som har følgjande hovudemne: Organisasjon og leiing. Fornying og utvikling. Administrasjon og etatskunnskap. Tverrfagleg og tverretatleg samarbeid om barns oppvekstkår. Studiet vil gi nokre teoretiske rammer for leiararbeid kobla mot refleksjonar og praktiske eksempel frå aktuelle arbeidsplassar.

Viktige tema er m.a:

• Organisasjonsteori og barnehagen som organisasjon
• Organisasjonsutvikling, organisasjonskultur og motiveringsarbeid
• Leiingsteori og refleksjonar omkring leiararbeid i barnehagen
• Fornying, omstilling, utviklingsarbeid og kvalitetssikring i barnehagen
• Det politiske og administrative systemet (etatskunnskap), målsettings- og planarbeid på ulike nivå
• Barnehageleiarane sine arbeids- og ansvarsområde, lover og forskrifter som regulerer arbeidsforhold i barnehagen, og adminstrative system, rutiner og praktiske oppgåver •
• Kommunane sitt ansvar for barn og unge, og arbeidet med å skape forståing for samordning og samarbeid på tvers av fag, profesjonar og institusjonar i oppvekstsektoren når det gjeld barn sitt totale oppvekstmiljø

Studieform:

• Nettbaserte leksjonar
• Studentaktive forelesingar (videokonferanse på lokal stad), 16 timar
• Individuelt arbeid og arbeid i gruppe
• Oppgåveskriving

Varighet:
2 semester

Studiested:
Ditt lokale studiesenter

Opptakskrav:
Førskulelærarutdanning.
Studentar som har gjennomført 1. og 2. studieår i førskulelærarutdanninga kan ta denne eininga som fordjupning.

Søknadsskjema
be om søknadsskjema

Utdanningspartner:
Høgskulen i Volda

Faglig kontaktperson:

* Prisen dekker ekstrakostnader ved å tilby utdanningen på lokale studiesentra. Pris kan variere litt fra studiesenter til studiesenter - sjekk derfor alltid med ditt lokale studiesenter (der du vil følge utdanningen)!